இஸ்ரேலில் வாழும் அரபுச் சிறுபான்மை மக்கள் நாடாளுமன்றத் தேர்தலில் தங்களது வாக்குகளைப் பயன்படுத்திய விதம், இலங்கையிலுள்ள தமிழ் பேசும் சிறுபான்மை மக்களுக்கு ஒரு சிறந்த பாடமாக அமைந்துள்ளது என்று தமிழ் முற்போக்குக் கூட்டணியின் தலைவரும் நாடாளுமன்ற உறுப்பினருமான மனோ கணேசன் தெரிவித்தார். இஸ்ரேலிய நாடாளுமன்றத் தேர்தல் முடிவுகள் மற்றும் அதன் அரசியல் தாக்கம் குறித்து ஊடகங்களுக்குக் கருத்து வெளியிடுகையிலேயே அவர் மேற்கண்டவாறு கூறினார். அவர் மேலும் தெரிவிக்கையில், "இஸ்ரேலில் அரபுத் தலைமைகளின் கீழ் செயற்படும் இரு பிரதான அரசியல் கூட்டணிகள் தேர்தலில் போட்டியிட்டு, மொத்தமாக 19 நாடாளுமன்ற ஆசனங்களைக் கைப்பற்றியுள்ளன. இதன் மூலம் அந்நாட்டின் ஆட்சி அதிகாரத் தீர்மானங்களில் அரசியல் ரீதியாகப் பேரம் பேசக்கூடிய பலமிக்கத் தரப்பாகத் தங்களை அவர்கள் நிலைநிறுத்தியுள்ளனர். இஸ்ரேலில் ஜனாதிபதி ஆட்சி முறை கிடையாது. நாடாளுமன்றத்தின் ஊடாகவே பிரதமரும் அமைச்சரவையும் தெரிவு செய்யப்பட்டு ஆட்சி முன்னெடுக்கப்படுகின்றது என்பது குறிப்பிடத்தக்கது." - என்றார். இலங்கையின் தற்போதைய அரசியல் சூழலுடன் இதனை ஒப்பிட்டுப் பேசிய அவர், "இலங்கையில் நடைபெற்ற ஜனாதிபதித் தேர்தலில் நண்பர் அநுரகுமார திஸாநாயக்க வெற்றி பெற்றதைத் தொடர்ந்து நடைபெற்ற...

கடந்த கால ஆட்சியாளர்களைப் போன்றே தற்போதைய அரசும் நாட்டில் நிலவும் சமூக மற்றும் பொருளாதாரப் பிரச்சினைகளுக்குத் தீர்வு காண முடியாமல், மக்களின் குரலை ஒடுக்குவதற்காக அடக்குமுறை வழியையே தேர்ந்தெடுத்துள்ளது என்று ஐக்கிய மக்கள் சக்தியின் கொழும்பு மாவட்ட நாடாளுமன்ற உறுப்பினர் முஜிபுர் ரஹ்மான் கடும் குற்றச்சாட்டை முன்வைத்தார். கொழும்பிலுள்ள ஐக்கிய மக்கள் சக்தி அலுவலகத்தில் இன்று வெள்ளிக்கிழமை நடைபெற்ற விசேட கலந்துரையாடலைத் தொடர்ந்து ஊடகங்களுக்குக் கருத்துத் தெரிவிக்கும்போதே அவர் இவ்வாறு குறிப்பிட்டார். ஊடகச் சந்திப்பில் தொடர்ந்து உரையாற்றிய முஜிபுர் ரஹ்மான் எம்.பி., "நாட்டில் அத்தியாவசியப் பொருள்களின் விலைகளைக் கட்டுப்படுத்த அரசு முற்றிலும் தவறியுள்ளமையால், பொருளாதார நெருக்கடியின் பாரிய சுமைகள் பொதுமக்கள் மீது தொடர்ச்சியாகச் சுமத்தப்பட்டு வருகின்றன. பணவீக்கம் கணிசமாக உயர்ந்துள்ள நிலையில், எதிர்வரும் நாள்களில் எரிபொருள்களின் விலைகளிலும் உயர்வுகள் ஏற்படும் என்ற எதிர்பார்ப்பே நிலவுகின்றது. இவ்வாறான இக்கட்டான சூழலில், 'அஸ்வெசும' நலன்புரி உதவிகளைப் பெற்றுவந்த இலட்சக்கணக்கான ஏழை மக்களை அரசு தன்னிச்சையாக அந்தப் பட்டியலிலிருந்து நீக்கியுள்ளது. நாட்டில் வறுமை அதிகரித்துள்ள நிலையில், அஸ்வெசும பயனாளிகளின் எண்ணிக்கையை அரசு எவ்வாறு இவ்வளவு பெருமளவில் குறைக்க...

இந்தியாவில் தமிழர் ஒருவர் பிரதமராவதற்கு நிச்சயம் வாய்ப்புகள் உள்ளன என்றும், வருங்காலத்தில் தமிழர் ஒருவர் இந்தியாவின் பிரதமராகப் பொறுப்பேற்பது உறுதி என்றும் இந்தியத் துணை ஜனாதிபதி சி.பி. இராதாகிருஷ்ணன் தெரிவித்தார். இந்தியாவின் தமிழ்நாடு மாநிலத்தில் அமைந்துள்ள வரலாற்றுப் புகழ்பெற்ற மதுரை மீனாட்சி அம்மன் திருக்கோயிலுக்கு இன்று வெள்ளிக்கிழமை வருகை தந்த துணை ஜனாதிபதி, விசேட சாமி தரிசனம் மேற்கொண்ட பின்னர் கோயில் வளாகத்தில் செய்தியாளர்களைச் சந்தித்தபோதே இந்தக் கருத்தை வெளியிட்டார். செய்தியாளர்களின் கேள்விகளுக்குப் பதிலளித்துப் பேசிய துணை ஜனாதிபதி சி.பி. இராதாகிருஷ்ணன், "இந்தியாவில் தமிழர் ஒருவர் பிரதமராகப் பொறுப்பேற்பதற்கான வாய்ப்புகள் மிக அதிகமாகவே உள்ளன. கர்நாடக மாநிலத்தைச் சேர்ந்தவரும், குஜராத் மாநிலத்தைச் சேர்ந்தவரும் நாட்டின் பிரதமராக வரும்போது, ஒரு தமிழரும் பிரதமராக வரமுடியும். ஒருநாள் தமிழர் ஒருவர் நிச்சயம் இந்தியப் பிரதமராவார். இந்தியப் பிரதமர் நரேந்திர மோடி மற்றும் தமிழ்நாட்டின் முதலமைச்சர் விஜய் ஆகிய இருவரின் ஆட்சிப் பங்களிப்புகள் குறித்து அரசியல் அமைப்புச் சட்டப் பதவியிலுள்ள என்னால் கருத்துக்கூற முடியாது. அதற்குப் பல அரசியல் தலைவர்கள் இருக்கின்றார்கள். அவர்களிடம் அது குறித்துக் கேட்டுக்கொள்ளலாம்....

இந்தியாவில் நடைபெற்றுவரும் 2026 ஆம் ஆண்டுக்கான பொதுநலவாய கபடி சம்பியன்ஷிப் தொடரில், இலங்கை தேசிய அணி சார்பாகப் பங்கேற்றுத் திறமையை வெளிப்படுத்திவரும் யாழ்ப்பாணத்தைச் சேர்ந்த வீராங்கனை விமலேந்திரன் டிலக்சனா 'சிறந்த ரைடர்' விருதை வென்று சாதனை படைத்துள்ளார். இந்தத் தொடரில் இலங்கை மகளிர் அணி பங்கேற்ற லீக் ஆட்டத்தில், பலம் வாய்ந்த பங்களாதேஷ் அணியை எதிர்கொண்டு அபார வெற்றியீட்டியிருந்தது. விறுவிறுப்பாக நடைபெற்ற இந்தப் போட்டியில் இலங்கை மகளிர் அணி 31–20 என்ற புள்ளிகள் கணக்கில் பங்களாதேஷ் அணியை வீழ்த்தி வெற்றி பெற்றது. இந்தப் போட்டியில் இலங்கை அணியின் வெற்றிக்குக் களத்தில் மிகச் சிறந்த ஆட்டத் திறனை வெளிப்படுத்திய யாழ்ப்பாணம், இளவாலைப் பகுதியைச் சேர்ந்த விமலேந்திரன் டிலக்சனா போட்டியின் சிறந்த 'ரைடர்' விருதைத் தனதாக்கிக் கொண்டார். இலங்கையைப் பிரதிநிதித்துவப்படுத்தி சர்வதேச அளவில் வட பிராந்திய வீராங்கனை ஒருவர் இத்தகைய சாதனையைப் படைத்துள்ளமை குறிப்பிடத்தக்கது.

யாழ். மயிலிட்டி மக்களின் பூர்வீகக் காணிகளையும் வாழ்விடங்களையும் இராணுவக் கட்டுப்பாட்டிலிருந்து உடனடியாக விடுவிக்கக் கோரி முன்னெடுக்கப்பட்டு வரும் தொடர் கவனவீர்ப்புப் போராட்டம், இன்று வெள்ளிக்கிழமை 28 ஆவது வாரமாகவும் தொடர்ந்தது. மயிலிட்டி கொமாண்டோ பங்களா இராணுவ முகாமுக்கு முன்பாக நடைபெற்ற இந்தப் போராட்டத்தில், பாதிக்கப்பட்டுள்ள பிரதேச மக்கள் திரளாகப் பங்கேற்றுத் தமது பூர்வீக நிலங்களை மீளப் பெற்றுச் சொந்த மண்ணில் மீண்டும் குடியேறுவதற்கான உரிமையை வலியுறுத்தினர். போராட்டத்தில் ஈடுபட்ட மக்கள் கருத்துத் தெரிவிக்கையில், தலைமுறை தலைமுறையாகத் தாம் வாழ்ந்து வந்த சொந்த மண்ணிலிருந்து வெளியேற்றப்பட்டு 36 ஆண்டுகள் கடந்தும், இதுவரை பூர்வீக வாழிடங்களுக்குத் திரும்ப முடியாத அவல நிலை தொடர்வது பெரும் கவலையையும் ஏமாற்றத்தையும் அளிப்பதாகத் தெரிவித்தனர். தமது குடியிருப்பு நிலங்கள் மட்டுமன்றி, விவசாய நிலங்கள் உள்ளிட்ட பாரம்பரிய வாழ்வாதாரச் சொத்துகளையும் இழந்துள்ளதனால் பொருளாதார ரீதியாகவும் கடுமையாகப் பாதிக்கப்பட்டுள்ளதாகச் சுட்டிக்காட்டினர். காணி விடுவிப்புத் தொடர்பாக அரசுக்குத் தமது கோரிக்கைகளை முன்வைத்த போராட்டக்காரர்கள், "மயிலிட்டி மக்களின் நீண்டகால நில உரிமைப் பிரச்சினைக்கு இனியும் காலதாமதமின்றி அரசு உடனடித் தீர்வு காண வேண்டும். வெற்று வாக்குறுதிகளைத்...

அரசால் கொண்டுவரப்படவுள்ள 'பயங்கரவாதத்தில் இருந்து அரசைப் பாதுகாக்கும் சட்டமூலம்' எந்தவொரு வகையிலும் அடக்குமுறைக்காகக் கொண்டுவரப்படவில்லை எனவும், குறுகிய அரசியல் இலாபங்களுக்காகவே எதிர்க்கட்சியினர் இது குறித்துப் போலியான அச்சத்தைப் பரப்பி வருகின்றனர் எனவும் போக்குவரத்து மற்றும் நெடுஞ்சாலைகள் பிரதி அமைச்சர் விசேட மருத்துவர் பிரசன்ன குணசேன தெரிவித்தார். ஊடகங்களிடம் கருத்துத் தெரிவிக்கும்போதே அவர் மேற்கண்டவாறு குறிப்பிட்டார். அவர் மேலும் கூறுகையில், "நாட்டை முன்னோக்கிக் கொண்டு செல்வதற்குப் பதிலாக, குறுகிய நோக்கங்களுக்காகத் தங்களது அரசியலை நகர்த்துவோர் எப்போதும் போலியான பேய்களைக் காட்டி நாட்டில் நெருக்கடிகளை உருவாக்கவே முயற்சிக்கின்றனர். தற்போது அவர்கள் 'பயங்கரவாதத்தில் இருந்து அரசைப் பாதுகாக்கும் சட்டம்' என்ற விடயத்தைக் கையில் எடுத்துப் பிரச்சாரம் செய்கின்றனர். தேசியவாதத்திலோ அல்லது ஏதேனும் ஒரு சட்டத்திலோ தொற்றிக்கொள்ளும் இவர்கள், அதற்கும் வழியில்லை என்றால் நம்பிக்கையில்லாப் பிரேரணைகளைக் கொண்டுவந்தாவது அரசாங்கத்தின் மக்கள் சேவைப் பயணத்தைப் பின்னோக்கி இழுக்க முயற்சிக்கின்றனர். 22 ஆவது அரசமைப்புத் திருத்தம் கொண்டுவரப்பட்டபோதும் எவ்வாறெல்லாம் பீதியைக் கிளப்பினார்கள்? ஆனால், இன்று அதைப் பற்றி எந்தச் சத்தமும் இல்லை. இப்போதும் அதேபோன்றதொரு நாடகத்தையே எதிர்க்கட்சிகள் அரங்கேற்றுகின்றன." - என்றார்....

அரசால் முன்மொழியப்பட்டுள்ள புதிய சட்டமூலங்கள் ஊடாக 220 இலட்சம் மக்களின் ஜனநாயக உரிமைகளும் நிர்மூலமாக்கப்பட்டு, நாடு 'போல் பொட்' பாணியிலான சர்வாதிகார ஆட்சியை நோக்கி நகர்த்தப்படுகின்றது என்று எதிர்க்கட்சித் தலைவர் சஜித் பிரேமதாஸ கடுமையாகக் குற்றம் சாட்டினார். அரசால் கொண்டுவரப்படவுள்ள அடக்குமுறைச் சட்டங்கள் தொடர்பாக எதிர்க்கட்சித் தலைவர் அலுவலகத்தில் இன்று வெள்ளிக்கிழமை நடைபெற்ற தொழிற்சங்கங்களுடனான விசேட சந்திப்பில் கலந்துகொண்டு கருத்துத் தெரிவிக்கும்போதே அவர் இவ்வாறு குறிப்பிட்டார். சந்திப்பில் தொடர்ந்து உரையாற்றிய எதிர்க்கட்சித் தலைவர் சஜித் பிரேமதாஸ, "பயங்கரவாதத்திலிருந்து அரசைப் பாதுகாக்கும் சட்டம் மற்றும் ஒழுங்கமைக்கப்பட்ட குற்றச்செயல்களைத் தடுத்தல் ஆகிய இரண்டு சட்டமூலங்களும், ஒட்டுமொத்த நாட்டையும் ஒரேயொரு அரசியல் கட்சிக்கு அடிபணியச் செய்து 220 இலட்சம் மக்களின் அடிப்படை உரிமைகளைப் பறிக்கும் வெட்கக்கேடான நடவடிக்கையாகும். கம்போடியாவின் கொடூர ஆட்சித் தலைவரான போல் பொட்டின் ஆட்சியை எமது நாட்டிலும் முன்னெடுப்பதற்காகவே ஜனாதிபதி அநுரகுமார திஸாநாயக்க தலைமையிலான அரசு இந்தச் சட்டமூலங்களைக் கொண்டு வருகின்றது. இதற்கு முன்னர் துப்பாக்கிப் பிரயோகங்கள், தடியடிகள் மற்றும் கண்ணீர்ப்புகைப் பிரயோகங்கள் மூலம் முன்னெடுக்கப்பட்ட அடக்குமுறைகளை, இன்று சட்டப் புத்தகங்களுக்குள் உள்வாங்கிச் சட்டபூர்வமாக...

அம்பாசமுத்திரம் இடைத்தேர்தலில் நாம் தமிழர் கட்சித் தலைவர் சீமானுக்குத் தி.மு.க. ஆதரவு அளிக்குமா என்ற கேள்விக்கு, "தேர்தல் திகதி அறிவிக்கப்படட்டும், அதுபற்றி பிறகு பேசலாம்" எனத் தி.மு.க. தலைவரும் முன்னாள் முதலமைச்சருமான மு.க.ஸ்டாலின் சூசகமாகப் பதிலளித்துள்ளார். இராமநாதபுரம் மாவட்டம், பசும்பொன்னில் நடைபெற்ற பசும்பொன் முத்துராமலிங்கத் தேவரின் 119 ஆவது ஜெயந்தி விழா மற்றும் 64 ஆவது குருபூஜை விழாவில் கலந்துகொண்டு மலர்தூவி மரியாதை செலுத்திய பின்னர், செய்தியாளர்களிடம் கருத்துத் தெரிவிக்கும்போதே அவர் இதனைத் தெரிவித்தார். செய்தியாளர் சந்திப்பில் தொடர்ந்து உரையாற்றிய மு.க.ஸ்டாலின், "நேதாஜி சுபாஷ்சந்திர போஸ் நடத்திய விடுதலைப் போராட்டத்துக்கு உறுதுணையாக நின்றவர் பசும்பொன் முத்துராமலிங்கத் தேவர். ஆங்கிலேய அரசின் அடக்குமுறைச் சட்டங்களை எதிர்த்துப் போராடிய இந்தப் பெருமகனாரின் நினைவிடத்தில் அஞ்சலி செலுத்துவதை நாங்கள் பெருமையாகக் கருதுகின்றோம். தி.மு.க. ஆட்சிக்காலத்தில் பசும்பொன் தேவர் நினைவிட வளாகத்தில் பொதுமக்கள் வசதிக்காகத் திருமண மண்டபங்கள் அமைக்கப்பட்டு, 2024 ஆம் ஆண்டில் 'முத்துராமலிங்கத் தேவர் அரங்கம்' திறந்துவைக்கப்பட்டது. தேவரின் நூற்றாண்டு விழாவை 2007 இல் கலைஞர் கருணாநிதி சிறப்பாகக் கொண்டாடியதுடன், மதுரை கோரிப்பாளையத்திலும் ஆண்டாள்புரத்திலும் அவரது நினைவைப்...

எதிர்க்கட்சியினரால் சபாநாயகர் வைத்தியர் ஜகத் விக்கிரமரத்னவுக்கு எதிராக நாடாளுமன்றத்தில் கையளிக்கப்பட்ட நம்பிக்கையில்லாப் பிரேரணை, எதிர்வரும் நவம்பர் 3 ஆம் திகதி விவாதத்துக்கு  எடுத்துக்கொள்ளப்பட மாட்டாது என்று சபை முதல்வரும் அமைச்சருமான பிமல் ரத்நாயக்க தெரிவித்தார். நாடாளுமன்ற நிலையியல் கட்டளைகளுக்கு அமைவாகத் திருத்தப்பட்டு சமர்ப்பிக்கப்பட வேண்டிய குறித்த நம்பிக்கையில்லாப் பிரேரணை, நிர்ணயிக்கப்பட்ட ஒக்டோபர் 28 ஆம் திகதிக்கு முன்னர் சமர்ப்பிக்கப்படாத காரணத்தினாலேயே இந்த நடவடிக்கை எடுக்கப்பட்டுள்ளது என்றும் அவர் சுட்டிக்காட்டினார். இது குறித்து ஊடகங்களுக்கு மேலும் கருத்துத் தெரிவித்த சபை முதல்வர், எதிர்க்கட்சிகளால் கொண்டுவரப்பட்ட நம்பிக்கையில்லாப் பிரேரணையில் சில தொழில்நுட்ப மற்றும் நடைமுறைச் சிக்கல்கள் காணப்பட்டன என்றும் குறிப்பிட்டார். அவற்றை நாடாளுமன்ற நடைமுறைகள் மற்றும் நிலையியல் கட்டளைகளுக்கு ஏற்பத் திருத்தியமைத்து, ஒக்டோபர் 28 ஆம் திகதிக்கு முன்னர் மீண்டும் சமர்ப்பிக்குமாறு அறிவுறுத்தப்பட்டிருந்தது. எனினும், குறிப்பிட்ட கால எல்லைக்குள் திருத்தப்பட்ட பிரேரணை சமர்ப்பிக்கப்படாததனால், திட்டமிட்டபடி நவம்பர் 3 ஆம் திகதி அதனை விவாதத்துக்குப் எடுத்துக்கொள்ள முடியாது போனது என்றும் சபை முதல்வர் பிமல் ரத்நாயக்க தெளிவுபடுத்தினார்.

கனடா, டொரண்டோவின் பிரைடில் பாத் பகுதியில் உள்ள குடியிருப்பு வீடொன்றில் நேற்று வியாழக்கிழமை இடம்பெற்ற துப்பாக்கிச்சூட்டுச் சம்பவத்தில் படுகாயமடைந்த நான்கு பேர் வைத்தியசாலையில் சேர்க்கப்பட்டுள்ளனர் என அவசர மருத்துவப் பிரிவினர் தெரிவித்துள்ளனர். இச்சம்பவம் பேவியூ மற்றும் லாரன்ஸ் அவென்யூ பகுதிகளுக்கு அருகாமையில் அதிகாலை 3:45 மணியளவில் இடம்பெற்றுள்ளது. சம்பவம் குறித்து சமூக வலைதளத்தில் பதிவிட்டுள்ள பொலிஸார், அந்த வீட்டுக்குள் மூன்று நபர்கள் துப்பாக்கியால் சுடப்பட்டனர் எனத் தெரிவித்துள்ளனர். அத்துடன் மேலும் ஒருவர் பின்னர் காயமடைந்த நிலையில் வைத்தியசாலையில் அனுமதிக்கப்பட்டுள்ளார். எனினும், காயமடைந்தவர்களின் நிலைமை குறித்த தெளிவான தகவல்கள் இதுவரை வெளியாகவில்லை. துப்பாக்கிச்சூட்டை நடத்திய மூன்று சந்தேகநபர்கள் எஸ்.யு.வி ரக காரில் தப்பிச் சென்றுள்ளனர் எனவும், சந்தேகநபர்கள் குறித்த விவரங்கள் எதுவும் இதுவரை கண்டறியப்படவில்லை எனவும் பொலிஸார் தெரிவித்தனர். இந்தச் சம்பவம் தொடர்பில் டொரண்டோ பொலிஸார் தீவிர விசாரணைகளை மேற்கொண்டு வருகின்றனர்.

இலங்கைக்கான பிரிட்டன் தூதுவர் ஆண்ட்ரூ பற்றிக்கை, தமிழ் ஈழ விடுதலை இயக்கத்தின் (ரெலோ) தலைவரும் ஜனநாயகத் தமிழ்த் தேசியக் கூட்டணியின் நாடாளுமன்ற உறுப்பினருமான செல்வம் அடைக்கலநாதன் மற்றும் ரெலோவின் உப தலைவரும் பேச்சாளருமான குருசுவாமி சுரேந்திரன் ஆகியோர் இன்று வெள்ளிக்கிழமை காலை கொழும்பில் சந்தத்துப் பேச்சு நடத்தினர். இந்தச் சந்திப்பின்போது அரசு நாடாளுமன்றத்தில் சமர்ப்பித்துள்ள 'பயங்கரவாதத்திலிருந்து அரசைப் பாதுகாப்பதற்கான சட்டமூலம்' மற்றும் 'ஒழுங்கமைக்கப்பட்ட குற்றச் செயல்களைத் தடுக்கும் சட்டமூலம்' ஆகியவற்றால் சிறுபான்மைத் தமிழ் மக்கள் எதிர்கொள்ளவுள்ள ஆபத்துகள் குறித்து விரிவாக எடுத்துரைக்கப்பட்டது. ரெலோ தலைவர்களால் பிரிட்டன் தூதுவரிடம் முன்வைக்கப்பட்ட முக்கிய விடயங்கள் வருமாறு:- அடக்குமுறைச் சட்டங்கள் வட - கிழக்கு மாகாணங்களில் தமிழ் மக்களின் நிரந்தர அரசியல் தீர்வு, காணி அபகரிப்பு எதிர்ப்பு, வலிந்து காணாமல் ஆக்கப்பட்டோர் விடயம் மற்றும் மனித உரிமை மீறல்களுக்கான நீதிப் போராட்டங்களை ஒடுக்கவும், தனிநபர்களை இலக்குவைத்துத் தன்னிச்சையாகக் கைது செய்யவும் இந்தப் புதிய சட்டமூலங்கள் வழிவகுக்கும். பயங்கரவாதத் தடைச் சட்டத்தை முற்றாக நீக்குமாறு ஐ.நா. மனித உரிமைகள் பேரவை வலியுறுத்தி வரும் நிலையில், அதற்குப் பதிலீடாக மேலும்...

யாழ்ப்பாணம், செம்மணி கூட்டுப் புதைகுழி விவகாரத்தில் சுதந்திரமான மற்றும் நம்பகமான விசாரணைகளை உறுதிப்படுத்துவதற்குச் சர்வதேச உதவியைப் பெற வேண்டும் என்று இலங்கை மனித உரிமைகள் ஆணைக்குழு அரசுக்குப் பரிந்துரை செய்துள்ளது. இது குறித்து இலங்கை மனித உரிமைகள் ஆணைக்குழுவின் ஆணையாளர் நிமல் ஜி. புஞ்சிஹேவா கருத்துத் தெரிவிக்கையிலேயே இந்தப் பரிந்துரைத் தகவலைப் பகிரங்கப்படுத்தினார். ஊடகங்களுக்குக் கருத்துத் தெரிவிக்கும்போது ஆணையாளர் நிமல் புஞ்சிஹேவா மேலும் குறிப்பிட்டதாவது:- "பாதிக்கப்பட்ட மக்களுக்கு நீதியை உறுதிப்படுத்தவும் மனித உரிமைகளைப் பாதுகாக்கவும் தேவையான அவசியமான நடவடிக்கைகள் குறித்து அரசுக்குப் பரிந்துரைகளை வழங்குவதே மனித உரிமைகள் ஆணைக்குழுவின் பிரதான பணியாகும். அதனை நாங்கள் இடைவிடாது செய்து வருகின்றோம். செம்மணிப் புதைகுழி போன்ற விவகாரங்களில் உள்ள சிக்கல்களைக் கண்டறிந்து, மனித உரிமைகள் கண்ணோட்டத்தில் மக்களுக்கு அதிகபட்ச நீதியைப் பெற்றுத்தர என்ன செய்ய வேண்டும் என்பது குறித்த வழிகாட்டல்களை நாங்கள் முன்வைத்துள்ளோம். குறிப்பாகச் செம்மணிப் புதைகுழி விவகாரத்தைப் பொறுத்தவரை, இலங்கை அரசு சர்வதேச உதவியைப் பெற வேண்டும் என்று நாங்கள் ஆணைக்குழுவின் சார்பில் தெளிவாகப் பரிந்துரைத்துள்ளோம். எம்மால் முன்வைக்கப்படும் இந்தப்  பரிந்துரைகளைச் சரியான முறையில்...

பயங்கரவாதத் தடைச் சட்டத்தை அரசு ஒருபோதும் தவறாகப் பயன்படுத்தவில்லை என்றும், இனிவரும் காலங்களிலும் தவறாகப் பயன்படுத்தப் போவதில்லை என்றும், வர்த்தமானியில் வெளியிடப்பட்டுள்ள 'பயங்கரவாதத்தில் இருந்து அரசைப் பாதுகாக்கும் சட்டமூலம்' ஜனநாயகத்துக்கு விரோதமானதாக அமையாது என்றும் வீடமைப்பு அபிவிருத்தி அமைச்சர் சுசில் ரணசிங்க தெரிவித்தார். கொழும்பில் இன்று வியாழக்கிழமை நடைபெற்ற விசேட நிகழ்வொன்றின் பின்னர் ஊடகங்களுக்குக் கருத்துத் தெரிவிக்கையிலேயே அவர் மேற்கண்டவாறு சுட்டிக்காட்டினார். அவர் மேலும் தெரிவிக்கையில், "நாட்டு மக்களின் அடிப்படை உரிமைகள் மற்றும் ஜனநாயக உரிமைகளுக்கு எதிராக அரசு ஒருபோதும் செயற்படப்போவதில்லை. ஜனநாயகம் மற்றும் மனித உரிமைகளுக்குப் பாதகத்தை ஏற்படுத்தும் வகையில் எந்தவொரு சட்டத்தையும் நாங்கள் இயற்றப் போவதும் இல்லை. ஜனாதிபதி அநுரகுமார திஸாநாயக்க தலைமையிலான அரசு பதவியேற்று இரண்டு ஆண்டுகள் நிறைவடைந்துள்ள நிலையில், பயங்கரவாதத் தடைச் சட்டம் முறையற்ற வகையில் பயன்படுத்தப்படவில்லை. இனிவரும் காலங்களிலும் அவ்வாறு தவறாகப் பயன்படுத்தப்பட மாட்டாது." - என்றார். கடந்தகால அரசுகளின் செயற்பாடுகள் குறித்து விமர்சித்த அவர், "கடந்தகால அரசுகள் பயங்கரவாதத் தடைச் சட்டத்தைத் தமது அரசியல் பழிவாங்கல்களுக்காகவே பயன்படுத்தின. குறுகிய அரசியல் நிகழ்ச்சி நிரல்களுக்கு அமைவாகப்...

பயங்கரவாதத் தடைச் சட்டம் மற்றும் அதனைப் பதிலீடு செய்வதற்காகக் கடந்த காலங்களில் முன்மொழியப்பட்ட ஏனைய பயங்கரவாத எதிர்ப்புச் சட்டங்களில் காணப்பட்ட பல குறைபாடுகள், அரசால் புதிதாக முன்மொழியப்பட்டுள்ள பயங்கரவாதத்தில் இருந்து அரசைப் பாதுகாக்கும் சட்டமூலத்திலும் உள்வாங்கப்பட்டிருப்பது குறித்துத் தீவிர கரிசனையை வெளிப்படுத்தியுள்ள ஐக்கிய நாடுகள் மனித உரிமைகள் உயர்ஸ்தானிகர் அலுவலகம், இந்தச் சட்டமூலத்தை நாடாளுமன்றத்தில் நிறைவேற்றுவதற்கு முன்னர் பல்வேறு தரப்பினருடன் கலந்துரையாடி, பரந்துபட்ட மீளாய்வை முன்னெடுக்குமாறு வலியுறுத்தியுள்ளது. நீதி மற்றும் தேசிய ஒருமைப்பாட்டு அமைச்சர் ஹர்ஷன நாணயக்காரவின் பணிப்புரைக்கு அமைவாகப் பயங்கரவாதத் தடைச் சட்டத்தைப் பதிலீடு செய்யும் வகையில் வர்த்தமானியில் வெளியிடப்பட்டு, நாடாளுமன்றத்தில் சமர்ப்பிக்கப்பட்டுள்ள பயங்கரவாதத்தில் இருந்து அரசைப் பாதுகாக்கும் சட்டமூலம் தொடர்பில் ஐக்கிய நாடுகள் மனித உரிமைகள் உயர்ஸ்தானிகர் அலுவலகத்தால் வெளியிடப்பட்டுள்ள அறிக்கையில் மேலும் குறிப்பிடப்பட்டுள்ளதாவது:- "அரசால் சமர்ப்பிக்கப்பட்ட முன்னைய வரைவுடன் ஒப்பிடுகையில், தற்போது முன்மொழியப்பட்டுள்ள பயங்கரவாதத்தில் இருந்து அரசைப் பாதுகாக்கும் சட்டமூலத்தில் குறிப்பிடத்தக்க முன்னேற்றங்கள் உள்வாங்கப்பட்டுள்ளன. இருப்பினும், ஏற்கனவே நடைமுறையிலுள்ள பயங்கரவாதத் தடைச் சட்டம் மற்றும் அதனைப் பதிலீடு செய்வதற்காக முன்னர் முன்மொழியப்பட்ட ஏனைய பயங்கரவாத எதிர்ப்புச் சட்டங்களில் காணப்பட்ட...

இலங்கைப் பாடசாலைகள் சதுரங்க சங்கம் நடத்திய 2026 ஆம் ஆண்டுக்கான தேசியமட்டத் தனிநபர் சதுரங்கப் போட்டியில் 5 வெற்றிகளைக் குவித்து, சர்வதேசப் போட்டிகளுக்கான தகுதிகாண் சுற்றுக்குத் தெரிவாகி யாழ். வடமராட்சி - கரவெட்டியைச் சேர்ந்த சிறுவன் நிசாந்தன் ஆஜீத் அபார சாதனை படைத்துள்ளார். இந்தத் தேசியமட்டச் சதுரங்கப் போட்டிகள் கடந்த 23, 24 மற்றும் 25 ஆம் திகதிகளில் இடம்பெற்றன. இறுதிச்சுற்றில், 6 வயதுக்குட்பட்ட ஆண்களுக்கான பிரிவில் வடக்கு மாகாணத்தைப் பிரதிநிதித்துவப்படுத்திப் பங்கேற்ற கரவெட்டி மாணிக்கவாசகர் வித்தியாலயத்தைச் சேர்ந்த மாணவன் நிசாந்தன் ஆஜீத் மிகச் சிறப்பான திறமையை வெளிப்படுத்தினார். நடைபெற்ற மொத்தம் 7 சுற்றுகளில் 5 சுற்றுகளில் அபார வெற்றியீட்டி 'மெரிட்' பட்டியலில் இடம் பிடித்தார். இதன் மூலம் எதிர்வரும் சர்வதேச சதுரங்கப் போட்டிகளுக்கான தகுதிகாண் சுற்றுகளில் பங்கேற்கும் வாய்ப்பையும் அவர் தனதாக்கிக் கொண்டார். செல்வன் பெனியல் மற்றும் செல்வன் ஆற்றலன் ஆகியோரின் திறமையான பயிற்றுவிப்பு மற்றும் வழிகாட்டலின் கீழேயே நிசாந்தன் ஆஜீத் இந்தச் சாதனையைப் படைத்துள்ளார் என்பது குறிப்பிடத்தக்கது. சிறுவயதிலேயே தேசிய மட்டத்தில் சாதனை படைத்து சர்வதேசத் தகுதிகாண் சுற்றுக்குத் தெரிவாகியுள்ள...

தேசிய மக்கள் சக்தியின் ஆளுகையின் கீழ் இயங்கிவரும் மொனராகலை, மெதகம பிரதேச சபையின் 2027ஆம் ஆண்டுக்கான வரவு – செலவுத் திட்டம், இன்று வெள்ளிக்கிழமை நடைபெற்ற வாக்கெடுப்பில் ஒரு வாக்கு வித்தியாசத்தில் தோற்கடிக்கப்பட்டுள்ளது. பிரதேச சபையின் தவிசாளர் அஜித் பிரியந்த ரத்நாயக்க தலைமையில் நேற்றுக்  காலை நடைபெற்ற சபை அமர்வின்போது, 2027ஆம் ஆண்டுக்கான நிதியாண்டு வரவு – செலவுத் திட்ட முன்மொழிவுகள் சபையில் சமர்ப்பிக்கப்பட்டு விவாதத்துக்கு எடுத்துக்கொள்ளப்பட்டன. விவாதத்தைத் தொடர்ந்து இடம்பெற்ற இரகசிய வாக்கெடுப்பில், வரவு – செலவுத் திட்டத்துக்கு ஆதரவாக 8 உறுப்பினர்களும், எதிராக 9 உறுப்பினர்களும் வாக்களித்தனர். ஐக்கிய தேசியக் கட்சி, சர்வஜன பலய, ஸ்ரீலங்கா பொதுஜன பெரமுன, பொதுஜன ஐக்கிய முன்னணி மற்றும் ஐக்கிய மக்கள் சக்தி ஆகிய எதிர்க்கட்சிகளைப் பிரதிநிதித்துவப்படுத்தும் கூட்டு எதிர்க்கட்சியின் 9 உறுப்பினர்களும் ஒன்றிணைந்து எதிராக வாக்களித்தமையினாலேயே, இந்த வரவு – செலவுத் திட்டம் ஒரு வாக்கால் வீழ்ச்சியடைந்தது. தேசிய மக்கள் சக்தியின் நிர்வாகத்தின் கீழ் உள்ள உள்ளூராட்சி சபை ஒன்றின் வரவு – செலவுத் திட்டம் இவ்வாறு தோற்கடிக்கப்பட்டுள்ளமை அந்தப் பிரதேசத்தில் அரசியல்...

அரச பல்கலைக்கழகங்களில் நாளை வெள்ளிக்கிழமை நாடளாவிய ரீதியில் ஒருநாள் பணிப்புறக்கணிப்பில் ஈடுபடவுள்ளதாகப் பல்கலைக்கழக ஆசிரியர் சங்கங்களின் சம்மேளனம் அறிவித்துள்ளது. இந்தப் பணிப்புறக்கணிப்புடன் இணைந்து எதிர்ப்புப் பேரணியொன்றையும் கருத்தரங்கொன்றையும் நடத்துவதற்கும் தீர்மானிக்கப்பட்டுள்ளது. பல்கலைக்கழகங்களில் நிலவும் கல்விசார் ஊழியர் பற்றாக்குறை, அதிகரித்துள்ள பணிச்சுமை மற்றும் போதிய பௌதிக வசதிகள் இல்லாமை உள்ளிட்ட முக்கிய பிரச்சினைகளை முன்வைத்து இந்தத் தொழிற்சங்க நடவடிக்கை முன்னெடுக்கப்படவுள்ளது என்று தெரிவிக்கப்பட்டுள்ளது.

ஜி. வி. பிரகாஷ் குமாரின் 'இம்மோர்டல்' திரைப்படம் ஓடிடி தளத்தில் வெளியாகி ரசிகர்களின் கவனத்தை ஈர்த்து வருகின்றது. ஏ.கே. பிலிம் பேக்டரி தயாரிப்பில் சக்தி பிலிம் பேக்டரி வெளியிட்ட 'இம்மோர்டல்' திரைப்படத்தை இயக்குநர் மாரியப்பன் சின்னா இயக்கியிருந்தார். கதாநாயகனாக நடிகரும் இசையமைப்பாளருமான ஜி. வி. பிரகாஷ் குமார் 'மகி' எனும் கதாபாத்திரத்திலும், கயாது லோகர் 'சிந்து' எனும் கதாபாத்திரத்திலும் நடித்துள்ளனர். மேலும் இந்தப் படத்தில் லொள்ளுசபா மாறன், கார்த்திக், குமார் நடராஜன், ஆதித்யா கதிர் உள்ளிட்டோர் முக்கிய வேடங்களில் நடித்துள்ளனர். இந்தப் படம் கடந்த செப்டெம்பர் 4ஆம் திகதி வெளியாகி கலவையான விமர்சனங்களைப் பெற்றிருந்தது. இந்தப் படத்துக்கு சாம் சி. எஸ். இசையமைத்துள்ளார். வாலிப மயக்கத்தில் அழகுக்கு ஆசைப்பட்டு ஆபத்தில் சிக்கிக்கொண்ட கதாநாயகன் அதிலிருந்து மீண்டு வந்தாரா இல்லையா என்பதே 'இம்மோர்டல்' திரைப்படத்தின் கதையாக எடுக்கப்பட்டுள்ளது. இந்த நிலையில், 'இம்மோர்டல்' திரைப்படம் இன்று சோனி லிவ் ஓடிடி தளத்தில் தமிழ், தெலுங்கு, மலையாளம், கன்னடம், இந்தி ஆகிய மொழிகளில் வெளியாகியுள்ளது.

வரும் நவம்பர் முதலாம் திகதி புதுடில்லியில் நடைபெறவுள்ள ராம்லீலா பேரணியானது இந்திய ஜனநாயகத்தைக் காப்பதற்கான பேரணி எனக் குறிப்பிட்டுள்ள மக்களவை எதிர்க்கட்சித் தலைவரும் காங்கிரஸ் கட்சியின் மூத்த தலைவருமான ராகுல் காந்தி, இதில் கட்சி வேறுபாடின்றி அனைவரும் கலந்துகொள்ள வேண்டும் என்று அழைப்பு விடுத்துள்ளார். இப் பேரணி தொடர்பில் ராகுல் காந்தி வெளியிட்டுள்ள சிறப்பு காணொளிச் செய்தியிலேயே இக் கோரிக்கையை முன்வைத்துள்ளார். காணொளியில் தொடர்ந்து உரையாற்றிய ராகுல் காந்தி:- "டில்லி ராம்லீலா பேரணியானது ஜனநாயகத்தைக் காக்கவும், வாக்குத் திருட்டைத் தடுக்கவும், இந்திய அரசமைப்பைப் பாதுகாப்பதுக்குமானது. இது ஏதேனும் ஒரு குறிப்பிட்ட அரசியல் கட்சிக்கு மட்டுமேயான பேரணி அல்ல. மாறாக இது இந்தியாவின் ஆன்மாவைக் காப்பதற்கான பேரணியாகும். நரேந்திர மோடி, அமித் ஷா மற்றும் தலைமைத் தேர்தல் ஆணையர் ஞானேஷ் குமார் ஆகியோரின் நடவடிக்கைகளால் அதிருப்தியடைந்த அனைவரும் வாருங்கள். ஜனநாயகத்தையும் அரசமைப்பையும் பாதுகாக்க விரும்புபவர்கள் அனைவரும் ஒன்றிணையுங்கள். இது தேசத்தைக் காப்பதற்கான ஒரே போராட்டம்." - என்றார். பொலிஸாரின் கட்டுப்பாடுகள் அல்லது தடியடிகள் குறித்து யாரும் கவலைப்படத் தேவையில்லை என்று தெரிவித்த அவர், பா.ஜ.க....

சர்வதேசப் பொலிஸாரின் சிவப்புப் பிடியாணை பிறப்பிக்கப்பட்டு, உலகின் 13 வெவ்வேறு நாடுகளில் தலைமறைவாக உள்ள இலங்கையைச் சேர்ந்த 112 குற்றவாளிகள் கண்டறியப்பட்டுள்ளனர் என்றும், அவர்களை விரைவில் கைது செய்து நாட்டுக்கு அழைத்து வருவதற்கான அவசர நடவடிக்கைகள் எடுக்கப்பட்டு வருகின்றன என்றும் பொலிஸ் ஊடகப் பேச்சாளர் உதவிப் பொலிஸ் அத்தியட்சகர் எஃப்.யூ. வூட்லர் தெரிவித்தார். 'முழு நாடுமே ஒன்றாக' தேசிய செயற்பாட்டின் தற்போதைய முன்னேற்றங்கள் குறித்து ஊடகங்களுக்குத் தெளிவுபடுத்துவதற்காக இன்று வியாழக்கிழமை நடத்திய விசேட செய்தியாளர் சந்திப்பிலேயே அவர் இந்தத் தகவலை வெளியிட்டார். செய்தியாளர் சந்திப்பில் தொடர்ந்து கருத்துப் பகிர்ந்த பொலிஸ் ஊடகப் பேச்சாளர், "அடையாளம் காணப்பட்டுள்ள 112 சந்தேகநபர்களையும் எதிர்வரும் 2027 ஆம் ஆண்டுக்குள் நாட்டுக்கு அழைத்து வர முடியும் என நாம் எதிர்பார்க்கின்றோம். அவர்கள் அனைவரும் இலங்கைக்கு அழைத்து வரப்பட்ட பின்னர், அவர்களுக்கு எதிராகச் சட்டத்தை மிகக் கடுமையாக அமுல்படுத்துவதற்குத் தேவையான சட்ட நடவடிக்கைகள் முன்னெடுக்கப்படும். இந்தச் சந்தேகநபர்கள் அனைவரும் போதைப்பொருள் கடத்தல் மற்றும் பாதாள உலகக் குழு நடவடிக்கைகளின் மூலமே சட்டவிரோதமான முறையில் பெருமளவு பணத்தைச் சம்பாதித்துள்ளனர். போதைப்பொருள் கடத்தல்...