இலங்கை தமிழர் படுகொலை: காங்கிரஸ் மற்றும் தி.மு.க. தண்டிக்கப்பட வேண்டும் – தமிழக அரசு அதிரடி அறிவுப்பு

173 0

இலங்கை தமிழர் படுகொலைக்கு உடந்தையாக செயற்பட்ட காங்கிரஸ் மற்றும் தி.மு.க.வின் செயற்பாடு போர் குற்றமே என, தமிழக அரசு தெரிவித்துள்ளது.

தமிழக முதல்வர் எடப்பாடி பழனிச்சாமி மற்றும் துணை முதல்வர் ஓ.பன்னீர்செல்வம் ஆகியோர் தலைமையில் இடம்பெற்ற, அ.தி.மு.க. மாவட்ட செயலாளர்கள் கூட்டத்தில் மேற்படி வலியுறுத்தப்பட்டுள்ளது.

இதன்போது மேலும் தெரிவிக்கப்பட்டுள்ளதாவது,

“இலங்கையில் இடம்பெற்ற யுத்தத்தின் போது, லட்ச கணக்கான தமிழர்கள் படுகொலை செய்யப்பட்டனர்.

இந்த படுகொலைக்கு காங்கிரஸ் மற்றும் தி.மு.க. கூட்டணி உதவியமையை, இலங்கையின் அப்போதைய ஜனாதிபதி ஒப்புக் கொண்டுள்ளார்.

எனவே அது மிகப்பெரிய போர் குற்றம் என்பதை கருத்தில் கொண்டு, காங்கிரஸ் மற்றும் தி.மு.க.விற்கு உரிய தண்டனை வழங்கப்பட வேண்டும்” என வலியுறுத்தப்பட்டுள்ளது.

இதேவேளை, குறித்த போர்குற்ற செயலை கண்டிக்கும் வகையில், எதிர்வரும் 25 ஆம் திகதி கண்டன பொதுக்கூட்டம் நடத்தப்படும் என்றும், குறித்த கூட்டத்தின் போது தீர்மானம் எடுக்கப்பட்டுள்ளது.

இலங்கையின் முன்னாள் ஜனாதிபதி மஹிந்த ராஜபக்ஷ அண்மையில் இந்தியாவிற்கு விஜயம் செய்திருந்தார்.

இதன்போது இந்திய ஊடகமொன்றிற்கு வழங்கிய பிரத்தியேக செவ்வியில், ‘இலங்கை போரின் போது இந்திய அரசாங்கம் மற்றும் ஏனைய சில நாடுகளும் உதவி புரிந்தன என்றும், தாம் தமிழர்களை அழிக்கவில்லை தீவிரவாதத்தையே அழித்தோம்’ என்றும் கூறியிருந்தார்.

இந்நிலையில், இலங்கையில் இடம்பெற்றது மனித உரிமை மீறல் என்றும், லட்சக் கணக்கான தமிழர்கள் கொல்லப்பட்டனர் என்றும் குற்றச்சாட்டுக்கள் விடையின்றி நீடிக்கிறது.

இதனால் குறித்த போர்குற்றத்திற்கு காரணமாக செயற்பட்ட காங்கிரஸ் மற்றும் தி.மு.க. தண்டிக்கப்பட வேண்டும் என, தற்போதைய தமிழக அரசு வலியுறுத்தியுள்ளமை குறிப்பிடத்தக்கது.

Related Post

மைசூரு அரச குடும்பத்தில் ஒரே நாளில் இரட்டை மரணம்

Posted by - October 20, 2018 0
தசரா திருவிழா மைசூருவில் கோலாகலமாக நடப்பது வழக்கம். ஆனால் தசராவின் இறுதி நாளில் மைசூரு அரச குடும்பத்தில் இருவர் உயிரிழந்துள்ளனர். மைசூரு அரச குடும்பத்தினர் தசரா திருவிழா…

கஜா புயல் பாதிப்பு: இதுவரை 8 பேர் உயிரிழந்திருப்பதாக தகவல்

Posted by - November 16, 2018 0
அதிகாலை கரையை கடந்த கஜா புயல் தமிழகத்தில் பலத்த சேதத்த ஏற்படுத்தி உள்ள நிலையில், புயல் காரணமாக 8 பேர் பலியாகி இருப்பதாக தகவல் வெளியாகி உள்ளது.…

தரம் தாழ்ந்த கமெண்டுகளால் ரயில் முன் பாய்ந்து இளைஞர் தற்கொலை

Posted by - October 20, 2018 0
டிக்டாக் செயலியில், தனது வீடியோக்களுக்கு தரம் தாழ்ந்த வகையில் கமெண்டுகள் வந்ததால், அதனால் மனமுடைந்த இளைஞர் ரயில் முன் பாய்ந்து தற்கொலை செய்துகொண்ட சம்பவம் அதிர்ச்சியை ஏற்படுத்தியுள்ளது.…

மாணவர்களுக்கும் தனக்கும் இடையேயான உரையாடல் மாற்றத்துக்கானது: கமலஹாசன் பேட்டி

Posted by - October 15, 2018 0
மாணவர்களுக்கும் தனக்கும் இடையேயான உரையாடல் மாற்றத்துக்கானது என கமலஹாசன் கூறியுள்ளார். சென்னை விமான நிலையத்தில் செய்தியாளர்களை சந்தித்த அவர், மாணவர்களுக்கும் தனக்கும் இடையே நடக்கும் உரையாடலை யாரும்…

“பாலியல் பாடகர்கள்!” : சின்மயி வெளியிட்ட கர்நாடக இசை வல்லுநர்கள் பட்டியல்

Posted by - October 11, 2018 0
பாலியல் தொல்லை அளிக்கும் பாடகர்கள் என்று கர்நாடக இசைக்கலைஞர்கள் பட்டியலை வெளியிட்டுள்ளார் பிரபல திரைப்பாடகி சின்மயி. ஆண்களால் பாலியல் தொல்லைக்கு ஆளான பெண்கள் “மீ டூ” என்ற…