சபரிமலை கோயிலை பூட்டுவேன்!

273 0

“ஆச்சாரங்களுக்கு எதிரான சம்பவங்கள் நடந்தால் சபரிமலை கோயிலை பூட்டுவேன்” என்று கோயிலின் தந்திரி கண்டரரு ராஜீவரு அதிரடியாக தெரிவித்துள்ளார்.

சபரிமலைக்கு அனைத்து வயது பெண்களையும் அனுமதிக்கலாம் என்ற உச்ச நீதிமன்ற தீர்ப்பளித்தது. இதையடுத்து சபரிமலைக்கு பெண்களும் வருவதற்கான ஏற்பாடுகளை கேரள அரசு செய்தது. சபரிமலை பகுதியில் பாதுகாப்பு பலப்படுத்தப்பட்டது.

இந்த நிலையில் நேற்று முன்தினம் மாலை அய்யப்பன் கோயில் நடை திறக்கப்பட்டது. ஆனால் பாஜக ஆர்.எஸ்.எஸ். உட்பட சில இந்து அமைப்புகள் சில, சபரிமலைக்கு பெண்கள் வரக்கூடாது என போராட்டம் நடத்தின. மேலும், சபரிமலை அருகே கூடி, அய்யப்பனை தரிசிக்க வரும் பெண்களை தாக்கி திருப்பி அனுப்பின.

இதனால் பல இடங்களில் மோதல், தடியடி ஏற்பட்டு கலவரம் ஏற்பட்டது. வாகனங்களும் அடித்து நொறுக்கப்பட்டன.

இந்த பரபரப்பான சூழ்நிலையில், பம்பையில் இருந்து சபரிமலை நோக்கி ஹைதராபாத்தைச் சேர்ந்த பெண் பத்திரிகையாளர் கவிதா உட்பட இரண்டு பெண்கள் அய்யப்பனை தரிசிக்க சென்றனர். வர்கள் அய்யப்பன் கோயிலில் இருந்து ஒரு கிலோ மீட்டர் தூரத்தில் தற்போது இருக்கின்றனர்.

இவர்களுக்கு ஐஜி ஸ்ரீஜித் தலைமையில் காவல்துறையினர் பாதுகாப்பு அளித்துள்ளனர்.

ஆனால் இந்த நிலையில் திடீரென கேளர அரசு, இந்த இரு பெண்களை திருப்பி அனுப்பும்படி காவல்துறைக்கு கேரள அரசு உத்தரவிட்டுள்ளது.

இருவரில் ஒருவர் பத்திரிகையாளர் மற்றவர் பெண்ணியவாதி. மற்றபடி இருவரும் பக்தர்கள் அல்ல என்று கேரள அரசு தெரிவித்துள்ளதாக கூறப்படுகிறது.

இந்த நிலையில் இருவரும் பாதுகாப்பாக சபரிமலை பகுதியில் உள்ள வனத்துறை விருந்தினர் இல்லத்துக்கு அழைத்துவரப்பட்டனர். அவர்கள் அய்யப்பனை தரிசித்துவிட்டே திரும்புவோம் என்று வலியுறுத்துவதாக கூறப்படுகிறது. இந்த நிலையில் அவர்களுடன் கேரள மாநில காவல்துறை ஐ.ஜி. சமாதான பேச்சுவார்த்தை நடத்தி வருகிறார்.

சூழல் சரியில்லை என்பதால் தற்போது அவர்கள் சபரிமலை அய்யப்பனை தரிசிக்காமல் திரும்புவது நல்லது என்று அவர் வலியுறுத்துவதாக கூறப்படுகிறது.

இந்த நிலையில் -சபரிமலை தந்திரி கண்டரரு ராஜீவரு, “ஆச்சாரங்களுக்கு எதிராக ஏதாவது சம்பவங்கள் சபரிமலையில் நடந்தால் சந்நிதான நடையை அடைத்துப் பூட்டி சாவியை தேவஸ்வம் போர்டு அதிகாரிகளிடம் கொடுத்து விட்டுத் திரும்பிச்செல்வேன்” என்று தெரிவித்துள்ளார்.

Related Post

விசர்நாய்க்கடிக்கு அதிகம் இலக்காகும் மாணவர்கள்

Posted by - October 26, 2018 0
விசர்நாய்க்கடியால் பாடசாலை மாணவர்களே அதிகமாக பாதிக்கப்டும் நிலை காணப்படுகின்றது.எனவே எமது விழிப்புணர்வு செயற்பாட்டினை மாணவர்கள் மத்தியில் இருந்து ஆரம்பிக்கின்றோம். இம்மாம் 29 முதல் 02ம் திகதி வரை…

சுற்றுலாத் துறையில் முன்னேற்றம்

Posted by - September 29, 2018 0
நாட்டின் சுற்றுலாத்துறை கடந்த மூன்றரை வருடங்களில் பெரும் முன்னேற்றம் அடைந்துள்ளதாக சுற்றுலாத்துறை அபிவிருத்தி அமைச்சின் செயலாளர் வி. சிவஞானசோதி தெரிவித்துள்ளார். அரசாங்கம் முன்னெடுத்து வரும் விசேட செயற்திட்டம்…

சீரற்ற வானிலையால் ஐந்து இலட்சம் குடும்பங்கள் பாதிப்பு

Posted by - October 2, 2018 0
வருடத்தின் இதுவரையான காலப்பகுதியில் சீரற்ற வானிலை மற்றும் வரட்சி காரணமாக 5 இலட்சத்திற்கும் அதிகமான குடும்பங்கள் பாதிக்கப்பட்டுள்ளன. வரட்சி காரணமாக, 3,10,000 குடும்பங்கள் பாதிக்கப்பட்டுள்ளதாக அனர்த்த நிவாரண…

இலங்கை உள்விவகாரத்தில் சீனா தலையிடாது!

Posted by - October 30, 2018 0
இலங்கையில் தற்போது ஏற்பட்டுள்ள அரசியல் நெருக்கடியில் தலையிடப் போவதில்லையென சீனா உறுதியளித்துள்ளதாக ரணில் விக்ரமசிங்க தெரிவித்துள்ளார். வெளிநாட்டு ஊடகங்களுக்கு பணியாற்றும் இலங்கை செய்தியாளர்களை ரணில் விக்ரமசிங்க நேற்று…

மகிந்தவுக்கு அமெரிக்கா கூறும் செய்தி

Posted by - October 27, 2018 0
இலங்கை அரசியலில் திடீர் பரபரப்பை உண்டாக்கி ஜனாதிபதி மைத்திரிபால சிறிசேன முன்னிலையில் புதிய பிரதமராக சத்தியப்பிரமானம் செய்துகொண்டார் இலங்கையின் முன்னார் அதிபர் மகிந்த ராஜபக்‌ஷ. இந்நிலையில் இலங்கையில்…